Lois Rottonara ROTT é nasciü a La Ila tl 1938. Do avëi frecuenté la Scola d’ert de Sëlva ál stlüt jö i stüdi al Magistero d’ert a Firenze. Al s’á dé jö cun l’insegnamënt por passa 20 agn tles scores de Milan, dla Val Badia y te deplü Istituc dla Lombardia. Te süa ativité artistica s’ál dediché ala scoltöra, pitöra y inrescida de tecniches nöies laoran cun deplü sortes de materiai tla scoltöra sciöche lëgn, brom, petun, ceramica y tla pitöra cun öre sön drap, temperes, acuarei, dessëgns y cun pitöres murales. Les operes de Rott é da ciafé a livel internazional pro Galeries y Istituc d’ert, Museums, dlijies, operes publiches y coleziuns privates y publiches.

L’ert de ROTT é caraterisada dala preferënza por le ciaval y por la figöra feminila sciöche sogec artistics y so stil unich é caraterisé dales figöres “spacades”, sides tles scoltöres che tles pitöres. Dala sfëssa definida tres le corp dl soget vëgnel a löm na rapresentaziun realistica de öna na pert, dl profil, deperpo che l’atra pert se presënta sciöche nia definida, te n ecuiliber danter pert y totalité, ester y nia ester, realté y some. I corusc stersc ti dá espresciun al conzet de ligrëza, de pasciun y de belëza.

MOSTRES

ROTT á fat mostres personales y á tut pert a mostres coletives tl’Europa, dantadöt tla Talia y ti Paisc Todësc, tl Nord- y tl Süd America.

Danter les mostres plü significatives pro EVËNC D’ERT INTERNAZIONAI:

2017: 57. Bienala d’ert de Aunejia –Palazzo Albrizzi/Pavillon dl Guatemala, Mostra Energia cretiva – tra astrazione e figurazione;  2015: Miami Art Basel –Miami meets Milano a Miami –Biennale Milano; 2016: Festival dei Due Mondi –Spoleto Arte curatada da Vittorio Sgarbi ; 1976: Mostra internazionala d’ert a Los Angeles (USA);2016: Triennale dell’arte contemporanea di Verona, a New York y a Washington DC (USA) –D.O.C. curatada da Paolo Levi; 2012: Calënder d’Advënt artistich dla BMW a Minca, Berlin y Frankfurt; 2014: Bienala d’ert -ArtExpó Gallery -Prinzipat de Monaco; 2020 y 2021 Art & Cavallo Verona.

Mostres te MUSEI Y ISTITUZIUN D’ERT INTERNAZIONALES

2013: MART a Rorëi –Dolasila. Suggestioni ladine contemporanee; 1972: Museum La Permanente a Milan en gaujiun dla XVII Mostra annuale d’arte della regione lombarda; 2013: tl Museum Fondaziun L.Matalon a Milan –Dolasila; 2018: Istituto Italiano di Cultura a Cracau (Polonia) –Essentia. Tra spazio e tempot; 2013: Istitut Talian de Cultura a Malta –Dolasila; 2025: MIIT -Museo Internazionale Italia Arte Torino -Mostra personala Arte & Natura, Spirito & Materia; 1974: Galería Trapecio Lima -Perù, Mostra personala; 2020: Messner Mountain Museum –Ester Ladins.

OPERES PUBLICHES Y D’ERT SACRALA

Danter les plü importantes la Via Crucis de brom tla dlijia de S.Maria Goretti a Milan (1984) y chëra de lëgn tla dlijia de Barbisano (TV), le Monumënt Familia Nicoli tla curtina de Parma, le Christus Rex de brom tla curtina da La Ila y la vetrada Le bato de Gejú dla dlija nöia da Corvara. Tl 2007 ál ziplé na cripele por le Papa Benedët XVI.

ISTALAZIUNS D’ERT Y DE MODA

Le tema dla moda é dagnora sté presënt tl’ert de ROTT. Tl 2023 ál presenté sües operes dala coleziun  Haute Arte Couture by ROTT dala defilada ROTT – Ert y Musiga ala Milano Fashion Week y tl 2021 ál presenté sciöche premiera la Istalaziun Haute Art Couture by ROTT tla Galaria Vittorio Emanuele a Milan en gaujiun dla Milano Fashion Week de setëmber. Al é sté protagonist cun sües operes pitoriches y na colaziun de “Gormá d’ert” che al á depënt ispirá ales liëndes ladines dles Dolomites pro deplü evënc dla Olimpiada culturala Milano Cortina 2026.

INSTALAZIUNS Y PROIEC MULTIMEDIAI

Tl cheder dl proiet ROTT – Ert y Musiga en colaboraziun cun süa möta, la musizista Susy Rottonara, él sté consulënt artistich pro le film Le Rëgn de Fanes, che á davagné deplü pesć a livel internazional a London y ti U.S.A. Tl 2011 ál depënt i chedri scenics por l’opera sperimentala Fanes Poem Musical. Tl 2013 ái realisé l’istalaziun multimediala Dolasila, che á albü süa premiere tl MART de Rorëi y é spo gnüda presentada tl Museum-Fondaziun L.Matalon a Milan y tl 2014 tl Istitut de Cultura Taliana a La Valletta a Malta. tl 2016 ál depënt i chedri scenics por le conzert multimedial Le some de Dolasila. Tl 2017 na videoistalaziun de ert y musiga da Le some de Dolasila á tut pert ala mostra intenrazionala Energia creativa – tra astrazione e figurazione tl contest dla 57. Bienala d’ert a Aunejia tl Palazzo Albrizzi, sënta dl pavillon dl Guatemala. Tl 2021 él gnü a se le dé premiera la Istalaziun Haute Art Couture by ROTT tla Galaria Vittorio Emanuele a Milan en gaujiun dla Milano Fashion Week de setëmber, che fej pert dl proiet multimedial Midsummer blooming 2021 che á ciafé le patrozine dl Istituto Nazionale Arte Cultura Spettacolo. Tl 2023 ál presenté sües operes dala coleziun  Haute Arte Couture by ROTT dala defilada ROTT – Ert y Musiga dala Milano Fashion Week. Dal 2023 inant ál realisé vigni ann na istalaziun cun pitöres dedicades ales figöres feminiles dles liëndes ladines dles Dolomites presentada a Cortina d’Ampëz. Tl 2025 ál presenté na coleziun de “Gormá d’ert” al’edema dla moda a Milan y a Sëlva. Tl 2026 é i “Gormá d’ert” de ROTT gnüs presentá tla Fondaziun AEM a Milan y tla Valtellina pro le proiet Alle origini del Made in Italy y tla Fabbrica EOS Gallery dal’Edema dla Moda a Milan, pro evënc söl program ufizial dla Olimpiada culturala Milano Cortina 2026.

ROTT á ilustré deplü operes leterares y d’atri tesć a livel internazional. Al é sté  pert dl comitat artistich pro la mostra panorama & Panorama organisada dala Provinzia Autonoma de Balsan dl 1987 y é sté sides mëmber co presidënt de iuria pro deplü concursc artistics.

BIBLIOGRAFIA PRINZIPALA – CATALOGS D’ERT:

  • Enciclopedia d’arte Italiana
  • CAM Catalogo dell’arte moderna 2024, 70. edizione – Cairo e Giorgio Mondadori editori
  • Artisti ’22, Annuario internazionale di arte contemporanea, Mondadori 2022;
  • Maestri, curaté da Vittorio Sgarbi, 2016;
  • Spoleto Arte, 2016
  • Miami meets Milano, 2015
  • Italiani – Selezione d’arte contemporanea, curaté da Vittorio Sgarbi, 2016;
  • Pittori e scultori italiani del Novecento – Il Quadrato, 2005
  • Pittori e scultori italiani di importanza europea  – Il Quadrato, 1992;
  • Bolaffi –Catalogo della scultura italiana, Nr.5, 1981;
  • LXXII Mostra annuale d’arte della regione lombarda (1972);
  • Art Now – Italian Masters (2020)
  • Itinera –percorsi dell’arte locale in Alto Adige, 1995
  • Percorso ricognitivo nella scultura altoatesina, 1990-1993
  • Artisć Val Badia, EPL, 1996

CATALOGS PERSONAI

ZAITES D’ERT:

FIERA D’ERT ONLINE